Kilogram šljiva na zelenoj pijaci u Tržnom centru „Bazar“ juče se mogao kupiti za dva eura.

Isto toliko novca bilo je potrebno izdvojiti i za kilogram jabuka i banana. Za kilogram lubenice potrebno je izdvojiti 50 centi, a pipuna euro. Kilogram kivija košta 3,50, a breskve su prodavane od euro i po do dva. Nektarine i kajsije su po dva, maline od dva i po do tri eura, grožđe četiri, dok je kilogram limuna tri eura. 

Rozi paradajz mogao se pazariti za 2,50, a crveni dva eura. Po dva eura su prodavani i kilogram tikvica, krastavca i šargerepe, crvena paprika je tri, babura dva, a šilja dva i po eura. Kilogram krompira koštao je 1,20, kupusa euro, patlidžana dva, zelene salate četiri eura. Od tri do četiri eura košta i blitva, dok su brokoli šest, a mladi luk četiri eura. Crni luk košta od 1,50 do dva, a veza peršuna 50 centi.

Na sektoru mliječnih proizvoda mladi polumasni sir mogao se kupiti za 3,90 eura po kilogramu, dok je stari sir deset, a mladi 6,50 eura. Lisnati kolašinski sir košta 12 eura. Za mladi kajmak potrebno je izdvojiti 14,90, a za mladi koziji sir 15 eura. Kisjelo mlijeko košta 1,10, a jaja su od 20 do 25 centi.

DAN