Uprava carina: Oduzeta neprijavljena roba vrijedna oko 15 hiljada eura

U Carinskoj ispostavi Terminal Podgorica, dana 28. februara tekuće godine, carinski službenici su pronašli veću količinu neprijavljene robe.
Detaljnim pregledom i kontrolom koja je sprovedena u dva kamiona prijavljena za postupak carinjenja robe, carinici su otkrili veću količinu neprijavljenih tekstilnih prizvoda turskog porijekla. Sva roba je bila namijenjena za isporuku pravnim licima sa sjedištem u Podgorici.
Neprijavljena roba, čija je vrijednost oko 15.000 eura, trajno je oduzeta.
U cilju određivanja prekršajne odgovornosti i izricanja prekršajnih sankcija zbog povrede odredbi Carinskog zakona, biće pokrenuti prekršajni postupci protiv pravnih lica i odgovornih lica u pravnim licima u ovom slučaju.